من المطبخ لديكور البيت
بما إنه أنا مؤمنة إن اللحظة المناسبة ميعادها دلوقتى.... وأنا للأسف متأخرة على الرد على أسئلة كتيرررر منكم " بعتذر"
وعلى الرغم من ان النور مقطوع....
ولاننا داخلين على السنة الجديدة... أعياد وكده
و طبقا لمبادئي فى إدارة الوقت.. ٢ فى ١
تعالوا اكلمكم على زرعة واكله مبهجة.. ريحتها لما بتملى شوارعنا بتدينا كده و بتحسسنا إن الشتا ده... وهى
البطاطا
البطاطا من الاكلات الصحية الغنية بالفيتامينات.... وطبعا مش محتاجة اكلمكم عن حلاوة البطاطا المشوية
لكن النهاردة ها نستخدمها الديكور ونزين بيها البيت بلون اخضر جميل مبهج وخصوصا إن ورق البطاطا شكله حلو
وكمان البطاطا بتكبر و بتطول و بيكون شكلها مبهج جداا زى نبات البوتس
أدوات الزراعة
مج قديم أو اى علبه بلاستك أو زجاج
بطاطا
ميه
طريقة الزراعة
بملى ربع المج بالمية و أحط فيه البطاطا بس كده
أهم حاجة ما ازودش المية على شان البطاطا ما تعفنش وكمان لو البطاطا زرعت زى أللى فى الصور ها أخلى الساق أللى طلعت فوق و الجزء التانى فى المية
الاكلة... بطاطا مشوية
أنا بحب اشيل القشرة و اقطعها حلقات على ورق فويل و ادخلها الفرن تتشوى على شان تكرمل آكتر
تعليقات
إرسال تعليق